පුනර්ජනනීය බලශක්තිය ප්රශස්ත ලෙස ලබා ගැනීමට බලශක්ති ගබඩා කිරීමේ පද්ධති හදුන්වා දීමට කටයුතු කරන බව අග්රාමාත්ය ආචාර්ය හරිනි අමරසූරිය පැවසුවාය.
පාර්ලිමේන්තු මන්ත්රී අසිත නිරෝෂන එගොඩවිතාන මහතා විසින් ඇසූ ප්රශ්නයකට පිළතුරු දෙමින් අග්රාමාත්ය ආචාර්ය හරිනි අමරසූරිය අද (10) පාර්ලිමේන්තුවේදී මේ බව සඳහන් කළාය.
2030 වර්ෂය වන විට ජාතික විදුලිබල උත්පාදනය 70%ක් පුනර්ජනනීය ප්රභාවයන්ගෙන් ලබා ගැනීමට ඉලක්ක සකසා ඇති බවත් එම ඉලක්ක ළඟා කර ගැනීමට අවශ්ය සැලසුම් සකස් කර ක්රියාත්මක කරමින් පවතින බවත් මෙහිදී අග්රාමාත්ය ආචාර්ය හරිනි අමරසූරිය පැවසුවා ය.
තවදුරටත් අදහස් දැක්වූ අග්රාමාත්යතුමිය,
ශ්රී ලංකා සුනිත්ය බලශක්ති අධිකාරියේ 2025/2030 පුනර්ජනනීය සංවර්ධන සැලැස්මට අනුව සුළං බලශක්තිය මෙගාවොට් 1264 සහ සූර්ය බලශක්තිය මෙගාවොට් 2071 ක් ලෙස දිගු කාලීන ජනන සැලසුමට යටත්ව විවිධ ප්රසම්පාදන ක්රම යටතේ පුනර්ජනනීය බලශක්ති වැඩි වශයෙන් ජාතික පද්ධතියට අවශෝෂණය කිරීමට සැකසුම් කර තිබෙනවා.
පුනර්ජනනීය බලශක්ති උකහා ගැනීම උදෙසා ජාතික සම්ප්රේෂණ හා බෙදා හැරීමේ පද්ධතිය පුළුල් කිරීමට ද කටයුතු කරමින් සිටින බවත් ආණ්ඩුව වශයෙන් ක්රියාත්මක කළ වැදගත් පියවරක් ලෙස පුනර්ජනනීය බලශක්තිය ප්රශස්ත ලෙස උකහා ගැනීමට බලශක්ති ගබඩා කිරීමේ පද්ධති හදුන්වා දීමට නියමිත යි.
දැනට පවතින ජල විදුලි බලාගාරවල ස්ථාපිත ධාරිතාව ප්රබල කිරීම සඳහා ද අධ්යයන කටයුතු සිදු කරමින් සිටින බවද අග්රාමාත්යතුමිය අවධාරණය කළා ය.
අග්රාමාත්ය මාධ්ය අංශය